အာရှတွင် အကြီးဆုံးပြတိုက်ဖြစ်လာမည့်မြန်မာ့ပထမဆုံးပုဂ္ဂလိက ရှေးဟောင်းပြတိုက်ကို ဖေဖော်ဝါရီလ ၁ ရက်တွင် ဖွင့်လှစ်မည်

အာရှတွင် အကြီးဆုံးပြတိုက်ဖြစ်လာမည့်မြန်မာ့ပထမဆုံးပုဂ္ဂလိက ရှေးဟောင်းပြတိုက်ကို ဖေဖော်ဝါရီလ ၁ ရက်တွင် ဖွင့်လှစ်မည်

အာရှတွင် အကြီးဆုံးပြတိုက်ဖြစ်လာမည့် မြန်မာနိုင်ငံ၏ ပထမဆုံး ပုဂ္ဂလိကရှေးဟောင်းပြတိုက် ဇေကမ္ဘာ Museum ကို ဖေဖော်ဝါရီလ ၁ ရက်တွင် သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကို ကိုယ်တိုင် တက်ရောက်ဖွင့်လှစ်မည်ဖြစ် ကြောင်း သိရသည်။

” Soft opening ကို ဖေဖော်ဝါရီ ၁ ရက်မှာ ဝန်ကြီးတက်ရောက်ဖွင့်လှစ်မယ်။ပြတိုက်ရဲ့နှစ်ထပ်ကို ဖွင့်မှာဖြစ်တယ်။ ကျန်တဲ့နှစ်ထပ်ကို အခု ၂၀၂၁ ခုနှစ် ဒီဇင် ဘာလကိုတော့ ဖွင့်နိုင်အောင် စီစဉ်မယ်။

အဲဒီအခါတော့ ပြတိုက်ကြီးတစ်ခုလုံးကို ဖွင့်တာပေါ့” ဟု ဇေကမ္ဘာကုမ္ပဏီဥက္ကဋ္ဌ ဒေါက်တာခင်ရွှေက ပြောသည်။

အဆိုပါပြတိုက်ကြီးကို ရန်ကုန်တိုင်း ဒေသကြီး မင်္ဂလာဒုံမြို့နယ် မင်္ဂလာဒုံ ဂေါက်ကွင်းရှေ့ မြေ ၅ ဧကပေါ်တွင် စတုရန်းပေ ၁၆၀၀၀၀ ကျယ်ဝန်းသည့် လေးထပ်အဆောက်အအုံအဖြစ် အမေရိ ကန်ဒေါ်လာ ၁၀ သန်းခန့် သုံးစွဲတည် ဆောက်နေခြင်းဖြစ်ကြောင်း သိရသည်။

ပြတိုက်အတွင်း ကုန်းနေရေနေ သတ္တဝါများ၏ မေးရိုး၊ သွား၊ ဦးခေါင်းခွံ၊ ခြေ၊ လက်၊ အရိုး၊ မစင်စသည့် ကျောက် ဖြစ်ရုပ်ကြွင်းပစ္စည်းမျိုးစုံ၊ နှစ်သန်း ၁၁၀ သက်တမ်းရှိ အင်းဆက်မျိုးနွယ်စုပါဝင် သော မြန်မာ့ပယင်းတွင်းထွက်များ၊ Sivapithecus မျိုးနွယ်စုဝင် ကမ္ဘာ့ရှားပါး လူတူပရိုင်းမိတ် မေးရိုးနှင့်လက်မောင်း ရိုးများ၊

နှစ်သန်း ၃၈၀ သက်တမ်းရှိ Trilobite ကျောက်ဖြစ်ရုပ်ကြွင်းများ၊ သံခေတ်က လူသေအလောင်းကို မြှုပ်နှံမှု များ၊ ကျောက်ခေတ်၊ သံခေတ် ရှေး ဟောင်းလက်နက်ကိရိယာများ ၊

ကြေး ခေတ်၊ သုဝဏ္ဏဘူမိခေတ်၊ ပျူခေတ်၊ ဟန်လင်းခေတ် စသည့် ခေတ်အဆက် ဆက်ပစ္စည်းများ၊ ယွန်းထည်ပစ္စည်း အ မျိုးမျိုး စသည်တို့ကိုကြည့်ရှုနိုင်မည်ဖြစ် ကြောင်း သိရသည်။

ယင်းပြတိုက်တွင်ပြသမည့် ရှေး ဟောင်းပစ္စည်းများမှာ ကမ္ဘာ့ရှားပါးပစ္စည်း များပါဝင်ပြီး အမျိုးအမည်လည်း အလွန် များပြားကြောင်း၊ ယင်းကြောင့် သာသနာ ရေးနှင့် ယဉ်ကျေးမှုဝန်ကြီးဌာနမှစစ်ဆေး ၍ မှတ်ပုံတင်ထားပြီးလည်းဖြစ်ကာ သ မိုင်းတန်ဖိုးကြီးမားသည့် ပြတိုက်ကြီးဖြစ် ကြောင်း သာသနာရေးနှင့် ယဉ်ကျေးမှုဝန် ကြီးဌာန ပြည်ထောင်စုဝန်ကြီး သူရဦး အောင်ကိုက မီဒီယာများအား ပြောကြား ထားသည်။

“စုဆောင်းထားတဲ့ ရှေးဟောင်း ပစ္စည်းတွေရောက်တိုင်းရောက်တိုင်း ရှေး ဟောင်းသုတေသနနှင့် အမျိုးသားပြတိုက် ဦးစီးဌာနရဲ့ ရန်ကုန်တိုင်းတာဝန်ခံ ညွှန် ကြားရေးမှူး ဒေါ်ဥမ္မာအောင်နဲ့အဖွဲ့ကို ဒီမှာလာပြီး ပစ္စည်းတွေကို ရှေးဟောင်း စစ်မစစ်ခွဲခြားပါတယ်။

မှတ်ပုံတင်စာရင်း သွင်းသလို ဓာတ်ပုံမှတ်တမ်း၊ TV မှတ် တမ်း၊ ကွန်ပျူတာမှတ်တမ်းတွေ အကုန် လုံးတင်ထားပါတယ်။ မှတ်တမ်းတင်ထား ပြီးတဲ့ ဒီပစ္စည်းတွေသည် သတ်မှတ်ထား တဲ့ ဒီနေရာကလွဲလို့ နောက်တစ်နေရာကို ရွှေ့ပြောင်းခွင့်မရတော့ပါဘူး။ ကျောက် ခေတ်၊ သံခေတ်၊ ပျုခေတ်၊ မျက်မှောက် ခေတ်၊ ပုဂံ၊ အင်းဝ၊ ကုန်းဘောင်ခေတ် ပစ္စည်းတွေကို စုဆောင်းထားတာက လည်း အင်မတန်မှ ကြည်နူးအားတက်ဖွယ် ဖြစ်ပါတယ်” ဟု ဝန်ကြီးကဆိုသည်။

ဇေကမ္ဘာပြတိုက်တွင် ရှေးဦးဆင်(၅)မျိုး၏ ကျောက်ဖြစ်ရုပ်ကြွင်းများပြခန်း၊ ကမ္ဘာဦးသတ္တဝါများ၏ ကျောက်ဖြစ်ရုပ် ကြွင်းများပြခန်း၊ ယဉ်ကျေးမှုအမွေအနှစ် မြန်မာမှုအနုလက်ရာပစ္စည်းများပြခန်း သံ ခေတ်အလောင်းမြှုပ်နှံမှုပြခန်း၊ ပယင်းပြ ခန်း၊ နှစ်သန်းပေါင်းများစွာက လိပ် ကျောက်ဖြစ်ရုပ်<ကင်းပြခန်း၊ ယွန်းထည်အ မျိုးမျိုးပြခန်း၊ ရှေးဟောင်းရွှေကျောင်းပြ ခန်း၊ ပုဂံခေတ်အနုပညာလက်ရာပြခန်း စသည်တို့ကို ကနဦး ဖွင့်လှစ်ပြသမည် ဖြစ်ကြောင်း သိရသည်။

” ကိုယ့်သမိုင်းပေါ့လေ။ တစ်ချိန်ကျ ရင် သေကြရတော့မှာပဲ။အန်ကယ်နိုင်ငံ ရေးမလုပ်တော့ဘူး။ အန်ကယ့်အနေနဲ့ တည်ဆောက်ခဲ့တဲ့စီမံကိန်းတွေ အများ ကြီးရှိတယ်။ ဒါပေမဲ့ နောင်လာတဲ့မျိုးဆက် တွေသိဖို့ သမိုင်းမှာကျန်ခဲ့ဖို့ ဒီဇေကမ္ဘာပြ တိုက်ကြီးကို တည်ဆောက်တာဖြစ်တယ်” ဟု ဒေါက်တာခင်ရွှေကပြောသည်။

ပြတိုက်တွင် သမိုင်းမတင်မီခေတ်မှ ကျောက်၊ ကြေး၊ သံ၊ ပျူ၊ ပုဂံ၊ ပင်းယ၊ အင်းဝ စသောခေတ်အဆက်ဆက်မှ ကို လိုနီခေတ်အထိ လူ့အသုံးအဆောင်များ ဖြစ်သည့် လက်နက်၊ အိုးခွက်-ပုတီး-ကိုးကွယ်ယုံကြည်မှုပြခန်းများ၊ မြန်မာမှု လက်ရာပန်းချီ-ပန်းပု-ရုပ်လုံး ရုပ်ကြွ ပန်း(၁၀)မျိုးအတတ်ပြခန်းများလည်း ပါဝင်ကြောင်း သိရသည်။

CRD_Pyi Myanmar

Add a Comment

Your email address will not be published. Required fields are marked *