ကိုဗစ်-၁၉ ကပ်ရောဂါ အား တိုက်ဖျက်နိုင် ရေး အတွက်အိုင်အမ်အက်ဖ် မှ မြန်မာအား ဒေါ်လာ ၃၅၀ သန်း ထုတ်ချေးပြီ

ကိုဗစ်-၁၉ ကပ်ရောဂါ အား တိုက်ဖျက်နိုင် ရေး အတွက်အိုင်အမ်အက်ဖ် မှ မြန်မာအား ဒေါ်လာ ၃၅၀ သန်း ထုတ်ချေးပြီ

ကိုဗစ်-၁၉ ကပ်ရောဂါ အား တိုက်ဖျက်နိုင် ရေး အတွက် နိုင်ငံတကာ ငွေကြေး ရံပုံငွေ ဘုတ် အဖွဲ့မှ မြန်မာအား ဒေါ်လာ သန်း ၃၅၀ အား အမြန် ထုတ်ချေးသွားရန် ယနေ့ အတည်ပြုလိုက်ပြီ ဖြစ်သည်။ ယခုအကြိမ်သည် ဒုတိယမြောက် ထုတ် ချေးခြင်း ဖြစ်ပြီး ၂၀၂၀ ဇွန်လ အတွင်း ကလည်း အလားတူ ဒေါ်လာ ၃၆၅.၅ သန်း ထုတ်ချေးခဲ့ပြီး ဖြစ်သည်။

ကိုဗစ်-၁၉ ဒုတိယလှိုင်းကြောင့် ထိခိုက် နစ်နာခဲ့ရမှူများ အတွက် ငွေရေးကြေးရေး တွင် ခုသာခံသာရှိအောင် အကူအညီပေး ခြင်းလည်း ဖြစ်သည်။ ထိုသို့ ချေးငှားနိုင်ရန် မြန်မာ၏ စီးပွားရေး အနေအထားကို IMF ၏ လက်ထောက် အမှုဆောင် ဒါရိုက်တာ မစ်ဆူဟီရို ဖူရူဆာဝါက ယခုလို သုံးသပ်ပြခဲ့သည်။

မြန်မာသည် ယမန်နှစ်က ဘဏ္ဍာရေးနှင့် အရေးပေါ် ငွေကြေးထောက်ပံ့ရေး နှင့် စီးပွားရေး အစီအစဉ်များပါသည့် Covid-19 Economic Relief Plan (CERP) ကို ချမှတ်ဆောင်ရွက်ခဲ့ပြီး၊ ထို့နောက်တွင်လည်း စီးပွားရေး ပြန်လည် ဦး မော့ရေး နှင့် ပြုပြင်ပြောင်းလဲရေး အစီ အစဉ် Myanmar Economic Resilience and Reform Plan (MERRP) ကို ချမှတ်လာပြီး ကျန်းမာရေး အသုံးစရိတ် တိုးမြှင့် သုံးစွဲရေး နှင့် အခွန်ပေးဆောင်မှု သက်သာစေရေး နှင့် လိုအပ်နေသော အိမ်ထောင်စုများ အား ငွေကြေး ထောက်ပံ့ပေးရေး အစီအမံများ ပြုလုပ်လာခဲ့သည်။

မြန်မာ၏ လက်ရှိ ကျင့်သုံးနေသော ငွေ ကြေးမူဝါဒသည် သင့်တင့်လျောက်ပတ်မှူ ရှိပြီး ငွေကြေးသည်လည်း အလျော့အတင်း ပြုလုပ်နိုင်စွမ်း ရှိနေသည်။ ထို့အပြင် ဘဏ်များ၏ စွမ်းဆောင်ရည် များကို စနစ်တကျလေ့လာစီစစ်သွားရန် လည်း ပြင်ဆင်ထားပြီး ဖြစ်သည် အစရှိ သည် တို့ကို အကျယ်တဝင့် သုံးသပ်ပြသွားခဲ့သည်။

ငွေကြေးသုံးစွဲမှု များအား ပွင့်လင်း မြင်သာစွာ ဆောင်ရွက်နိုင်ခဲ့မှု ကိုလည်း ချီးကျုးသွားခဲ့ပြန်သည်။ ထိုသို့ IMF က ချီးကြူးရသည့်အထိ ယုံကြည်မှု ရှိအောင် အစိုးရမှ အမျှော်အမြင်ရှိရှိဖြင့် စွမ်းဆောင်နိုင်ခဲ့၍ သာ ယခုလို ချေးငွေ တောင်းခံမှုကို အလျင်အမြန် အတည်ပြုပေးခဲ့ခြင်း လည်း ဖြစ်ပေသည်။

IMF ၏ ချေးငွေများကို စီးပွားရေးလုပ် ငန်းများ ထိခိုက်လာ၍ ဝင်ငွေခွန်ကျဆင်းလာ‌ သော်လည်း တိုးမြှင့် သုံးစွဲရန် ရှိနေသော လူမှုရေး အသုံးစရိတ်များ အတွက် အထောက်အကူ ရစေရန် နှင့် ပြည်ပနိုင်ငံ များမှ အလွန်အကျွံ ချေးငှားရမှု များ လျော့နည်းသွားရန် IMF က ရည်ရွယ်သည် ဟု ဆိုသည်။

ကိုးကား- IMF Press Release

CRD_Hla Soewai

Add a Comment

Your email address will not be published. Required fields are marked *